Ливерпул беше тивок во текот на летниот преоден рок, на „Енфилд“ дојде само Ибрахим Конате од Лајпциг за 40 милиони евра.
„Црвените“ минатата сезона имаа големи проблеми со повредени играчи, пред се со стоперите, па менаџерот Јирген Клоп рече дека летово морал да ја засили дефанзивата.
Пред почетокот на сезонава клубот работеше на продолжување на договорите на актуелните договори со првотимците.
Алисон Бекер, Вирџил ван Дајк, Фабињо и Трент Александер-Арнолд ги продолжија договорите, а по нив истото се очекува да го стори и капитенот Џордан Хендерсон.
Британските медиуми пишуваат дека Хендерсон ќе потпише тригодишен договор со опција за уште една дополнителна година.
Играчот од средниот ред на „Енфилд“ е од 2011 година, а со „црвените“ освои ПЛ, ЛШ, Лига куп, Суперкуп на Европа и Светско клупско првенство.
Беше прогласен за најдобар играч во Премиерлигата во сезоната 2019/2020.
Со овој потег Ливерпул продолжува да го држи тимот компактен ако се знае дека Садио Мане, Мо Салах, Роберто Фирмињо и Диего Жота имаат долгорочни договори.
> Хендерсон ја продолжува верноста кон Ливерпул <
