Утрински Весник
Свет

Германија и САД ги повикaa своите државјани итно да го напуштат Авганистан

Германија и САД ги повикaa своите државјани итно да го напуштат Авганистан

Американската и германската амбасада итно ги повикаа своите граѓани веднаш да го напуштат Авганистан.

Германија ги повикува своите државјани да го напуштат Авганистан со редовни летови што е можно поскоро, поради влошената безбедносна состојба, објави германското Министерство за надворешни работи, а истото го стори и американската амбасада.

„Јасно ги повикуваме германските граѓани на терен да ја искористат можноста да ја напуштат земјата што е можно поскоро со закажани летови“, се вели во соопштението.

Талибанците денеска го зазедоа стратешки важниот град Газни во Авганистан, со што се приближија на околу 150 километри до главниот град Кабул. Тие постигнаа прогрес по неколкудневниот жесток конфликт.

Бунтовниците не сакаат да ја делат власта со актуелната авганистанска влада во Кабул.

Насилството и брзината на напредувањето на Талибанците предизвика гнев кај многу Авганистанци поради одлуката на претседателот на САД, Џозеф Бајден, да ја повлече американската војска од Авганистан и борбата против бунтовниците да им ја препушти на авганистанските власти.

Можете да прочитате

Нојман: Употребата на дронови во војната во Украина „не е пример“ за воздушните способности на НАТО

Институт за проучување на војна: Русија, Кина и Северна Кореја не му помогнаа на Иран во војната со Израел

Фидан: Поддршката за „геноциден Израел“ не е во ничија корист