Пожарите во јужна Италија, во кои деновиве загинаа пет лица, им се закануваат на буковите шуми заштитени од УНЕСКО, објавија денеска медиумите.
Последната потврдена жртва е Марио Заваliо (77), кој изгоре до смрт обидувајќи се да го спаси својот добиток од пожар во близина на општината Гротерија.
#Incendiboschivi, 528 interventi nelle ultime 12 ore: 230 in #Sicilia, situazione sotto controllo, 84 squadre al lavoro; 100 in #Calabria, maggiori criticità nel reggino, catanzarese e cosentino, in volo 5 #Canadair. Nel video #vigilidelfuoco in azione a Siano (CZ) #12agosto 9:20 pic.twitter.com/X3WhYWZFsO
— Vigili del Fuoco (@emergenzavvf) August 12, 2021
Извршното тело на најтешко погодениот југозападен регион Калабрија го повика Рим да прогласи вонредна состојба во таа област. Регионалните власти се особено загрижени поради пожарите што горат во планинската област Аспромонте во Калабрија, уништивајќи хектари под шуми и пасишта.
Пламените јазици се закануваат на прастарите букови шуми признати од УНЕСКО како светско културно наследство, соопшти дирекцијата на Националниот парк Аспромонте, повикувајќи да бидат испратени единици на националната армија за да помогнат во гаснењето на пожарите.
Топлотниот бран наречен „Луцифер“ ја погоди Италија на почетокот на неделава, предизвикувајќи температурите во Сицилија да се искачат на рекордни 48,8 степени Целзиусови .
