Некогашниот супермодел Хајди Клум среќата ја пронајде дури по разводот со пејачот Сил.
Барем така тврди убавата Германка за својот трет, 16 години помлад сопруг Том Каулиц, со кого се венча во август 2019 година, по два месеци веридба.
Судејќи според фотографиите на папараците, но и оние од профилот на социјалните мрежи на 48-годишната Хајди, љубовта навистина цвета во нејзиниот брак. Многумина тврдат дека тоа се рефлектира во нејзиниот беспрекорен изглед.
Таа едноставно блеска на одмор во Италија каде што папараците прво ја уловија во прегратка со нејзиниот сопруг на улиците во Рим. Подоцна на парот им се придружија и нејзините деца, па заедно ги посетија знаменитостите како Колосеум и фонтаната Треви, а потоа се препуштија на гастрономски задоволства во популарниот римски кварт Testaccio.
