Утрински Весник
Македонија

Приведени тројца насилници од Бојане, со пиштоли и ножеви направиле хаос пред ресторан во Сарај

Приведени тројца насилници од Бојане, со пиштоли и ножеви направиле хаос пред ресторан во Сарај

Синоќа, нешто по еден часот по полноќ, полицијата уапсила тројца жители на скопското село Бојане, А. Ќ. (23), М. Ќ. (30) и Г. Ќ. (25), поради сомнение дека претходно направиле инцидент пред угостителски објект во Сарај.

Како што информираат од МВР, во инцидентот што избувнал поради претходно меѓусебно нетрпение биле употребени огнено оружје и остар предмет.

Притоа повреди од огнено оружје добил В. Ќ., a повреди од остар предмет Ф. М., по што биле пренесени во Градската општа болница „8 Септември“, односно во комплексот клиники „Мајка Тереза“ за укажување лекарска помош.

Тројцата насилници се приведени во полициска станица за понатамошна постапка и се преземаат мерки за расчистување на случајот.

Можете да прочитате

Почна изградбата на гасоводниот интерконектор со Грција

Мицкоски: Денес Бугарија работеше против нас, но Македонија останува горда, нема да дозволиме ново предавство

АВМУ со осуда за физичкиоот напад врз новинарската екипа на Алсат-М во Визбегово