Под притисок, но со освоен четвртиот сет, Роџер Федерер избегна елиминација во првото коло на Вимблдон, откако неговиот противник, Французинот Адријан Манарино се повреди лизгајќи се зад основната линија.
Освојувачот на 20 гренд слем титули, чија сезона е проблематична со опоравувањето од низата повреди, се мачеше со играта на Манарино, против кого имаше 6-0 скор пред овој меч. Тој го освои првиот сет, но потоа ги загуби следните два сета, за да се врати во четвртиот пред Манарино да се повлече при 6:4/6:7(3)/3:6/6:2 резултат.
Федерер успеа да го намали бројот на неизнудени грешки во четвртиот сет, за да направи два брејка и да израмни на 2:2. По мечот, Швајцарецот призна дека противникот бил подобар од него и дека со малку среќа влегува во второто коло.
> Федерер губеше, но влезе во второто коло откако противникот се повреди <
