Гледачка на Тур де Франс ненамерно предизвика инцидент и огромен застој на првата етапа од трката, откако поттикна еден од најлошите судири некогаш забележани.
Германскиот велосипедист Тони Мартин (36) се судри со гледачката крај патот, што предизвика домино ефект бидејќи потоа почнаа да паѓаат и велосипедистите зад него.
Воздушна снимка од инцидентот беше споделена на социјалните мрежи, каде што некои од корисниците коментираа дека ова вројатно е најлошиот судир кој го виделе на Тур де Франс досега.
The worst Tour de France crash I’ve ever seen pic.twitter.com/1jngQE1pYg
— daniel (@cyclingreporter) June 26, 2021
Видео снимено од поблизок агол детално покажува што се случило, бидејќи на него се гледа дека гледачката, која го предизвика страшниот инцидент, всушност излегла на патот за да се обиде да се појави пред камера.
Première étape du Tour de France, premier crash, premier partisan à blâmer pic.twitter.com/6i3yhBtwv7
— Julien Lamoureux (@julienlamoureux) June 26, 2021
Нејзиното име не е е објавено, но се гледа дека носи жолто палто и држи голем картонски натпис на кој пишува „ALLEZ OPI-OMI!“, што во превод значи „Напред дедо и бабо!“.
Таа со натписот им го блокираше патот на велосипедистите, но се чини дека во обид да се појави пред камерите, беше потполно несвесна за тоа.
Така, патот на Тони Мартин беше попречен и тој немаше друг избор освен да удри во гледачката, пред велосипедистот од левата страна да се сруши врз него.
Многу други застанаа, накратко запирајќи ја трката, додека оние што беа зафатени во судирот се обидоа да се опорават и да продолжат понатаму.
Scariest thing about that crash was that by the time Tony Martin stopped sliding along the road, the spectator who got the in the way was comfortably out of the helicopter shot. #TDF2021 pic.twitter.com/JIudtdwnRS
— Nick Bull (@nickbull21) June 26, 2021
Некои од екипите учесници на трката подоцна се огласија на „Твитер“ и ги замолија навивачите да избегнуваат попречување на трасата.
?? #TDF2021
Our beautiful sport is completely unique and extra special in how accessible we are to the fans.
If we could please remind all spectators along the roads to stand back, at a safe distance, as the race passes by.
— Team Qhubeka NextHash (@QhubekaAssos) June 26, 2021
Заменик-директорот на трката, Пјер-Ив Туло, за агенцијата „Франс прес“ изјави: „Ќе ја тужиме оваа жена која се однесуваше толку лошо. Ќе го направиме тоа за малкуте луѓе кои прават вакви испади да не го расипат шоуто за сите“.
Најголемата велосипедска трка во светот, 108. издание на Тур де Франс, започна вчера, а во првата етапа, на 197,8 километри долгиот пат од Брест до Ландерно, попеди светскиот шампион, Французинот Жулиен Алафилип.
> (Видео) Гледачка предизвика еден од најголемите судири на велосипедисти на Тур де Франс <
