По повод Светскиот ден на заштита на животната средина, зелената партија ДОМ организираше акција за чистење на голема површина со отпад на локација спроти поранешен Саем.
„Во текот на акцијата тимот кој го чистеше паркингот воочи дека на таа локација нема контејнери, па затоа ДОМ апелира до надлежните институции да постави контејнери за отпад на паркингот“, се наведува во партиското соопштение во кое се додава дека заштитата на животната средина е заедничка одговорност.
