Sвездата на Wonder Woman, една од најубавите суперхероини, Гал Гадот откри дека е бремена со своето трето дете во март, a подоцна откри дека наскоро ќе стане мајка на три девојчиња.
36-годишната израелска актерка, чиј труднички стомак е веќе видлив, беше забележана кога излезе на прошетка во Лос Анџелес со нејзината најмала ќерка, четиригодишната Маја.
А во меѓувреме, Гал ги исклучи коментарите на нејзината последна објава на Твитер, откако напиша дека ѝ се крши срцето поради ескалираниот конфликт меѓу Израел и Палестина, што предизвика бурни реакции на социјалните мрежи.
Во твитер-објава за насилството меѓу Израел и Палестина таа напиша : Срцето ми се крши. Мојата земја е во војна. Израел заслужува да живее како слободна нација. Нашите соседи го заслужуваат истото тоа. Некои корисници на Твитер ја прозваа за користење на зборот „соседи“ сугерирајќи дека требало да напише Палестина, и дека не ги споменува Палестинците што се убиени.
