Албанија ја одобри употребата на руската вакцина против коронавирусот „Спутник в“, информираше денеска Рускиот фонд за директни инвестиции (РДИФ), а пренесува агенцијата ТАСС.
„Рускиот фонд за директни инвестиции објавува регистрација на руската вакцина против коронавирус, “Спутник в”, од страна на Министерството за здравство и социјална заштита на Република Албанија. Првата група на руска вакцина е веќе доставена во земјата“, се наведува во соопштението на РДИФ.
„Спутник в“ засега е регистрирана во 64 држави со вкупно население од над 3,2 милијарди луѓе.
Испитувањата по вакцинацијата во голем број држави покажуваат дека „Спутник в“ е најбезбедната и најефикасната вакцина против Ковид-19, пишува ТАСС.
Агенцијата додава и дека оваа вакцина е на второто место во светот според бројот на одобренија од страна на државните регулатори. Прва е вакцината на „Астра зенека“, а на третото место е онаа на „Фајзер“.
#SputnikV is now the world’s second most popular #CovidVaccine in terms of regulatory approvals. Thank you for this vote of confidence! pic.twitter.com/dYYqLYUYs8
— Sputnik V (@sputnikvaccine) March 5, 2021
Претходно денеска и турските власти соопштија дека официјално ја одобриле руската вкацина.
