Одбивањето на чешкиот регулатор за лекови да ги разгледа документите за руската вакцина против Ковид-19, „спутник В“ е поврзано со дипломатскиот скандал, изјави портпаролот на Кремљ, Дмитриј Песков, пренесува ТАСС.
„Најверојатно ова може и дури би требало да е поврзано со дипломатскиот скандал. Како што гледате, таквата одлука донесена поради провокативни чувства барем не е во интерес на Чесите. Сепак, зборуваме за глобална вакцина која е најефикасна според општото признание“, рече Песков.
Претходно, чешкиот регулатор на лекови објави одлука за запирање на проверката на руската вакцина поради недостиг од документи доставени од производителот.
