Специјалната претставничка на Генералниот секретар на Обединетите Нации (ОН) за Ирак, Жанин Хенис-Плашерт предупреди во четвртокот дека нападот со беспилотни летала врз седиштето на глобалната коалиција против ИД на меѓународниот аеродром во Ербил има за цел разгорување на напнатоста во регионот, пренесува „Анадолија“.
„Синоќешните настани во регионот Курдистан се уште еден пример за несовесни обиди за разгорување на тензиите и за загрозување на стабилноста на Ирак. Ние ги осудуваме овие акти на насилство и ги повикуваме федералната и владата на Курдистан да дејствуваат брзо и едногласно за да спречат понатамошна ескалација “, објави Хенис- Плашерт на Твитер.
Last night’s events in the Kurdistan Region are another example of reckless attempts to inflame tensions and threaten Iraq’s stability. We condemn these acts of violence and urge the Federal and Kurdistan governments to act swiftly and in unison to prevent further escalation.
— Jeanine Hennis (@JeanineHennis) April 15, 2021
Претходно во средата вечерта, Министерството за внатрешни работи на Регионалната влада на Курдистан преку соопштение објави: „Беспилотно летало со ТНТ беше испратено кон коалициска база на аеродромот во Ербил“, додавајќи дека во експлозијата не е повреден никој, но дека зградата е оштетена.
Зачестеноста на нападите против американските сили и странските трупи од глобалната коалиција против ИД ескалираше во текот на последните неколку недели. Иако ниту една страна не презеде одговорност за нападите, Вашингтон ги обвинува ирачките вооружени групи поврзани со Иран за изведување на нападите.
