Според германскиот министер за здравство, повеќе од 12 проценти од Германците примиле барем една од двете дози вакцина против Ковид-19, што значи повеќе од 10 милиони жители, напиша Јенс Шпан на Твитер .
Тој додаде дека 4,3 милиони луѓе веќе ја примиле втората доза на вакцината.
Според Институтот за контрола на болести „Роберт Кох“ и Министерството за здравство, само во петокот биле вакцинирани околу 217. 000 лица.
Шпан наведува дека досега се икористени скоро 10,7 милиони дози вакцина на Фајзер / Бионтек, 700. 000 дози на „Модерна“ и 2,9 милиони дози на „Астра зенека“.
Давањето предност на одредени демографски групи во редот за вакцина треба да започне да паѓа во втор план, бидејќи се зголемува бројот на достапни дози, објави во саботата Здружението на германски лекари по општа медицина.
