Владата на Народна Република Кина обезбеди 50.000 дози вакцини против коронавирусот за Босна и Херцеговина, објави амбасадорот на Кина во БиХ, Pи Пинг.
Ова го потврди во разговор со министерот за надворешни работи на БиХ, Бисер Турковиќ, кој веднаш нареди да се иницираат сите потребни механизми за најбрзо прифаќање на пратката, што ќе биде од големо значење за БиХ, додека земјата се соочува со тешка набавка на вакцини за борба против пандемијата од Ковид-19 на светскиот пазар.
Турковиќ изрази благодарност до Владата на Народна Република Кина за овој чин.
Ќе ги вклучиме сите потребни институции во рамките на БиХ со цел овој процес да заврши што е можно побрзо, а вакцините да стигнат до крајните корисници, додаде Турковиќ.
