Шефот на агенцијата за заштита на надворешните граници на ЕУ „Фронтекс“, Фабрис Леџери, очекува дека, по пандемијата на коронавирусот, ќе има значително зголемување на бранот на мигранти во правец кон Европа.
„Убеден сум дека по короната, поголем број бегалци ќе се обидат повторно да дојдат во Европа“, изјави Фабрис Леџери за германските медиуми.
Сегашниот, помал број мигранти на надворешната граница на ЕУ, тој го објаснува со мерките против коронавирусот.
„Минатото лето, кога мерките за патување беа олеснети, се соочивме со поголем број мигранти кои се упатија кон Европа“, рече тој.
