За време на воена вежба во Италија, еден тенк по грешка пукал кон фарма за кокошки.
Според агенцијата „Анса“, во тој инцидент загинале голем број кокошки, а причинета е и поголема материјална штета.
Инцидентот се случил на воен полигон во близина на гратчето Виваро.
Војниците, кои погрешно пукале кон фармата, се припадници на тенковската бригада „Поцуоло дел Фриули“.
Тие биле екипаж на тенк од типот „Центауро“.
Дел од погодените кокошарници се целосно уништени, а обвинителството од покраината Порденоне започна истрага и нареди прекинување на вежбите со тенкови.
