Сирискиот претседател Башар ал-Асад и неговата сопруга Асма се опоравуваат од Kовид-19 и наскоро ќе продолжат да ги извршуваат своите должности, по завршувањето на периодот на домашна изолација, соопшти денеска кабинетот на претседателот.
Канцеларијата на 8 март информира дека Асад (55) и неговата 45-годишна сопруга, која се опоравила од карцином на дојка во 2019 година, се позитивни на тест за Ковид-19 и работат од дома затоа што имале лесни симптоми.
Лабороториските тестови и рендгенските снимки покажуваат дека нивната здравствена состојба постепено се враќа во нормала, објави канцеларијата.
„Сирија бележи голем пораст на инфекции од средината на февруари“, изјавил член на владиниот одбор за вирусот, за британската новинска агенција, на почетокот на март кога земјата започна со вакцинација.
