Министерот за здравство Венко Филипче на прес-конференција изјави дека на утринскиот состанок на Комисијата за заразни болести било констатирано дека актуелните мерки и рестрикции остануваат на сила, односно забраната за движење по 22 часот до 05 часот.
Тој рече дека засега состојбата не бара воведување посторги мерки, но постојано ќе се следи и следната недела Комисијата пак ќе има состанок, кога ќе одлучи дали ќе има потреба за воведување нови построги мерки.
„ Притисокот во Скопје е голем, правиме систем на менаџирање на скопските клиники. Има одреден број на слободни кревети, одделенијата на интерните клиники повторно се ковид центри“, нагласи Филипче.
Тој додаде дека во изминатите 4 недели има константо зголемување на бројот на заразени со коронавирус.
