Поранешниот легендарен боксер Виталиј Кличко, сегашен градоначалник на Киев, вежба одбрана од можна руска агресија со своите колеги, локални политичари, пишува германскиот дневен весник „Билд“.
На воениот полигон Кличко вежбаше како да се одбрани од руските тенкови.
„Убеден сум дека мора да бидеме добро подготвени, во случај на потреба, да ги браниме нашиот град, жителите и државата“, рече Кличко, нагласувајќи дека тој е одговорен за безбедноста на граѓаните.
Тој најави дека овие вежби ќе се одржуваат редовно во иднина.
Неговата порака, истакна тој, до рускиот претседател Владимир Путин е: Без борба нема да ја освоите нашата земја.
