Канадскиот поп пејач се огласи на Инстаграм во петокот (26 февруари) за да го сподели каверот за неговиот претстоен шести студиски запис, за кој им откри на фановите дека ќе биде насловен Justice („Правда“) и ќе биде достапен за три недели.
26-годишниот пејач напиша: Justice доаѓа на 19 март.
„Во време кога толку многу лоши нешта се случуваат на планетава, сите копнееме за исцелување и правда за човештвото. Во создавањето на овој албум, мојата цел е да направам музика што ќе ви пружи удобност, да направам песни со кои луѓето ќе можат да се поврзат за да се чувствуваат помалку осамено. Страдањето, неправдата и болката можат да направат луѓето да се чувствуваат беспомошни.“
„Музиката е одличен начин да се потсетуваме едни на други дека не сме сами. Музиката може да биде начин да се поврзете едни со други. Знам дека не можам едноставно да ја решам неправдата со правење музика. Но сигурен сум дека ако сите дадеме свој допринос користејќи ги нашите дарби за да ѝ служиме на оваа планета и едни на други, ќе бидеме чекор поблизу до обединување.“
