Против 12 лица се поднесени обвиненија за кривично дело- фалсификување исправа, казниво по Кривичниот законик, информираат од скопското јавно обвинителство.
Обвинетите, во периодот од 19 до 23 февруари, на граничниот премин на Меѓународниот аеродром Скопје, прикажувале лажни потврди за негативни ПЦР тестови за SARS-CoV-2 вирусот, кои наводно биле издадени од лаборатории во Скопје.
Потврдите како вистински ги прикажувале пред овластените службени лица, иако знаеле дека воопшто не се тестирале во наведените лаборатории.
