Во последните 24 часа во Хрватска починаа 20 заболени од коронавирус и регистрирани се 72 нови случаи на заразени со коронавирус. Извршени се 2.242 тестирања, според Штабот за цивилна заштита.
Пријавено е закрепнување на 312 пациенти.
Во моментов има 2.111 активни случаи на заразени со коронавирус, меѓу кои 792 се хоспитализирани, од кои 68 се приклучени на респиратор.
Во самоизолација има 11.267 лица.
До денес се тестирани вкупно 1.306.694 лица, од кои 240.017 биле заразени, 232.457 пациенти закрепнале, а 5.449 починале.
