Стејтмент чантите на француската модна куќа „Диор“ обично се вечерни креации или посебни дневни варијанти, но модниот гигант успешно во светот на овие креации воведе и платнен дизајн со различни мотиви и нијанси.
Иако познатите чанти обично се наменети за посебни моменти, Dior Book Tote е повеќенаменска креација со кратка рачка, изработена од текстил и исто така е погодна за на одмор, секојдневни прошетки и плажа.
Дизајнерката Марија Грација Кјури, креативен директор на „Диор“, ја претстави чантата во колекцијата лето 2018 година, и оттогаш креацијата не престана да биде на самиот врв на најпосакуваните модни додатоци.
