Раперот Канје Вест е потиштен и многу тажен во време кога сè посилно му е чувството дека неговиот брак со Ким Кардашијан се ближи кон крајот.
„На Канје тешко му оди разделбата“, изјавил инсајдер за „Пипл“ во средата. „Тој е свесен дека бракот е завршен и дека нема ништо што може да се направи во моментов“.
„Добитникот на Греми знае што губи со Ким“, вели изворот близок до 43-годишната звезда. Весникот потсетува дека документите за развод допрва треба да бидат поднесени.
Бракот многу претрпе среде притисоците изнесени во јавност минатата година, и има многу малку надеж за помирување меѓу реалити-ѕвездата и раперот.
„Тоа би било вистинско чудо“, додаде изворот. „Но, Канје верува во чуда“.
