Во швајцарскиот град Винтертур денеска е убиена 32-годишна жена, државјанка на Србија, а се претпоставува дека ја убил 76-годишен човек, исто така државјанин на Србија, пренесуваат тамошните власти.
Како што пренесува сајтот polizei-schweiz.ch, нешто попладне, полицијата добила порака дека во станбена зграда има мртво женско тело.
На местото на убиството веднаш пристигнала полицијата и спасувачки служби, кои во станот ја пронашле Србинката, која имала прострелни рани и не давала знаци на живот.
Во станот бил затекнат осомничен маж, кој веднаш бил уапсен, а 2-годишното дете на несреќната жена е сместено во дом за деца.
Се уште не се знае причината за убиството, а јавниот обвинител во Цирих отвори истрага во соработка со полицијата на тој град.
