Во Владикавказ, на југот на Русија, утрово се случи силна експлозија, во која беше уништен цел трговски центар.
Локалната служба за спасување, трага по повредени. Портпарол соопшти дека несреќата најверојатно била предизвикана од експлозија на некои боци со кислород што биле во подрумот на објектот.
Експлозијата се случила во 7 часот и 24 минути по локално време, што значи дека трговскиот центар сè уште не бил отворен за посетители. Не е познато дали имало вработени во моментот на несреќата.
https://www.youtube.com/watch?v=iA1H0Fcppi0
Снимките на социјалните мрежи покажуваат дека спасувачите ги препаруваат урнатините во потрага по можни жртви.
Еден златар кој има продавница во трговскиот центар изјавил дека бил на работа за време на експлозијата и дека таа го фрлила на подот, но дека потоа станал и успеал да избега на сигурно.
Ирбек Томајев, вицепремиер на руската република Северна Осетија – Аланија, каде се наоѓа Владикавказ, рече дека засега се чини дека нема сериозно повредени.
„Спасувачките служби бараат можни жртви. Ја расчистуваме областа и остатоците. Засега нема извештаи за жртви”, изјави Томајев пред новинарите.
Истражителите со помош на сонда се обидат да утврдат дали причината за експлозијата е кривично дело, како тероризам.
Во последните неколку години имаше голем број терористички напади во Владикавказ, вклучително и самоубиствен напад во 2010 година, кога на главниот пазар во градот загинаа 17 лица, а повеќе од 160 беа повредени.
