Првата пратка вакцини од Србија за Македонија ќе пристигне утре на граничниот премин Табановце, соопшти Владата.
„Утре, 11 февруари, во 14 часот на граничниот премин Табановце премиерот Зоран Заев ќе ја пречека делегацијата предводена од претседателот на Република Србија, Александар Вучиќ, со која ќе пристигне и првата пратка на вакцини“, соопшти Владата.
Според претходни најави, Македонија ќе добие 8.000 дози од вакцината на „Фајзер/Бионтек“. Премиерот Зоран Заев кажа дека станува збор за сериозен чин на пријателство и најави дека вакцините ќе бидат платени по набавна цена.
