Вчера во Австрија се отворија фризерските салони откако владата делумно го олесни третиот бран на заклучување, но предуслов за нова фризура е негативен тест за коронавирус.
По месец и половина се отворија и продавниците, музеите и училиштата. Студентите мора да бидат тестирани двапати неделно, ако сакаат да присуствуваат на настава.
Зголемена побарувачка за тестирање била видлива на пунктовите во Виена. Дури и неодамна отворениот центар за тестирање во познатата палата Шенбрун вовел нови паравани со цел да се ублажи навалицата.
Поздравувајќи ги првите клиенти по неколку недели, виенската фризерка Сузана Шрајбер изјавила: „Од една страна, ми олесни што може повторно да работам, но во исто време пречка се задолжителните тестови, што некои клиенти не ги прифаќаат добро“.
Поплаки од фризерите за новите правила се појавиле и во неколку австриски весници, со посебен осврт на тешкотиите за тестирање во руралните области.
