Прелиминарните податоци за вакцината „Ковидшилд“, изработенa од Универзитетот во Оксфорд и фармацевтската компанија „Астразенека“, покажаа дека таа дава ограничена заштита од послабиот облик на јужноафриканскиот сој на ковид. Меѓутоа од фармацевтската компанија велат дека сè уште не утврдиле дали вакцината штити од појака форма на ковид предизвикана од заразниот сој од Јужна Африка, објави Би-би-си.
Прелиминарните податоци од студијата биле спроведени на нешто повеќе од 2.000 луѓе.Во Велика Британија се откриени над 100 случаи на инфекција со јужноафриканскиот вид.
Портпарол на Астразенека изјави дека компанијата сè уште не може да утврди дали вакцината може да спречи развој на потешка форма на ковид предизвикана од јужноафриканскиот сој, бидејќи студијата е направена главно на помлади, здрави луѓе. Во исто време, од компанијата велат дека се убедени дека вакцината обезбедува заштита од посериозни случаи, бидејќи создала антитела слични на оние произведени од други вакцини за коронавирус.
