На денот на раѓањето на великанот и инспираторот на македонското национално револуционерно дело Гоце Делчев, се сеќаваме и оддаваме почит на неговиот историски придонес во создавањето на македонската државност, напиша на социјачните мрежи премиерот Зоран Заев.
Денеска, 4 февруари, на денот на раѓањето на великанот и инспираторот на македонското национално револуционерно дело –…
Posted by Zoran Zaev on Четврток, 04 февруари 2021
„Како инспиратор и двигател на македонската револуционерна организација, Гоце Делчев секогаш повикуваше на единство и сплотеност во политичките предизвици пред кои е исправена земјата од сите општествени чинители и граѓани, без разлика на нивната верска, етничка или политичка припадност“, нагласува Заев во својата објава.
Премиерот посочува и дека идеалите и заложбите на овој великан се наша заедничка обврска да продолжиме да ја градиме државата како демократска и економски напредна земја, која, како што вели, денеска е дел од најмоќниот воено-безбедносен сојуз НАТО и земја која чекори кон членство во ЕУ.
