Тренерот на Јувентус, Андреа Пирло, објаснил дека сакал да го одмори Кристијано Роналдо, поради што во 77.минута го повлече Португалецот од теренот. Јувентус, синоќа, со двата гола на Роналдо, го победи Интер во Милано, во првиот полу-финален натпревар во Купот на Италија.
„Не постои клаузула во договорот која вели дека Роналдо не може да биде повлечен од теренот. Кристијано знае дека е клучниот фудбалер за нашата игра. Тоа го докажа и на овој натпревар. Сепак, му кажав дека мора да се одмори, не чека уште еден важен меч. Добро е од време на време малку и да одмори“, рекол Пирло.
Реваншот во Купот против Интер, Јувентус ќе го одигра во Торино на 9.февруари.
> Пирло: Во договорот не пишува дека Кристијано не може да биде заменет <
