Првата доза од вакцината против Ковид-19 ја прими минатиот месец.
Арнолд Шварценегер беше во добра форма во вторникот, додека уживаше во редовното возење на својот електричен велосипед на сончев ден во Лос Анџелес.
73-годишниот актер изгледа опуштено како и секогаш кога е на патеката за велосипеди.
Поранешниот гувернер на Калифорнија се вакцинираше на 20 јануари во автомобил и сподели видео на социјалните мрежи. Со оглед на големиот број заразени, вакцинирањето и тестирањето во САД се спроведува или во клиника или во автомобил.
Терминаторот често ги повикува своите фанови да носат маски за лице. Тој дури и промовираше свој бренд заштитни маски We’ll be Back („Ќе се вратиме“) во знак на поддршка на добротворни организации посветени на помагање на луѓето најсилно погодени од пандемијата.
