Вакцината на американската компанија Новавакс против ковид е ефикасна 89 проценти против коронавирусот, но не заштитува толку добро од јужноафриканскиот вид, објави весникот „Сајанс њуз“.
Ефикасноста падна на процент помеѓу 49 и 60 проценти, додава „Сајанс њуз“.
Покрај тоа, според оваа страница, податоците покажуваат дека луѓето кои биле подложени на коронавирус може да не бидат имуни на јужноафриканскиот вид, познат како 501Y.v2 или B.1.351, кој е откриен во 30 земји.
Податоците дојдоа истиот ден кога американските здравствени власти објавија дека во САД се откриени два случаи на јужноафриканска мутација на вирусот.Станува збор за две лица од Јужна Каролина, кои не биле поврзани на кој било начин, ниту пак патувале во странство, па не е јасно како добиле 501Y.v2.
