Серија земјотреси ја тресеа шпанската провинција Гранада во текот на ноќта, а најсилниот од нив беше 4,3 степени.
Првите два земјотреса се почувствувани во 21.36 часот во Санта Фе и Каучина кај Гранада и биле со јачина од 4,3 и 4,1 степени, објави Националниот географски институт.
https://www.youtube.com/watch?v=UfQpqiLR524
До 22,18 часот беа почувствувани осум послаби земјотреси со јачина од околу 2,9 степени, пренесува шпански „Ел паис“.
Сликите објавени на социјалните мрежи покажуваат дека жителите излегле на улица во пижами, иако е во сила полицискиот час поради пандемијата на коронавирус.
Around a dozen earthquakes with magnitudes of 2.9 to 4.3 shook Spain’s Granada province Tuesday night. Many families fled their homes despite the coronavirus curfew and sought shelter outdoors. Since December, the area has been hit by more than 280 tremors https://t.co/qpGAGCRwNz
— El País English Edition (@elpaisinenglish) January 27, 2021
Од декември тој дел на Шпанија го потресоа 170 земјотреси и како што рече градоначалникот на Гранада, Луис Салвадор, подобро е да има неколку земјотреси од четири степени, отколку еден од осум.
„Ни беше кажано дека ваквите земјотреси стануваат послаби и спречуваат поголеми“, рече тој.
Експертите сметаат дека најновите сеизмички активности се резултат на приближувањето на евроазиските и африканските плочи за четири до пет милиметри.
