Утрински Весник
Македонија

Агенцијата за храна добила известувања за небезбеден сусам од Индија

Агенцијата за храна добила известувања за небезбеден сусам од Индија

Од Агенцијата за храна и ветеринарство (АХВ) информираат дека преку Системот за брзо предупредување за храна на ЕУ досега имаат добиено три нотификации за увоз на небезбеден сусам по потекло од Индија, во кој е утврдено присуство на резидуи од пестицид – етилен оксид.

Од Агенцијата додаваат дека во моментов е постапено по две од тие известувања, а за третото од јануари годинава постапката е во тек.

„По приемот на првата нотификација во септември минатата година (23.09.2020) инспекциските служби на Агенцијата презедоа мерки и извршена беше вонредна инспекциска контрола кај увозникот. Небезбедниот производ во количина од 280 килограми е повлечен од промет и безбедно поништен на депонијата Дрисла. Во вториот случај од 6 ноември минатата година, направена е контрола во магацините на увозникот на сусам и утврдено е дека небезбедните лотови од производот, наведени во нотификацијата, не се најдени во магацините“, стои во соопштението на Агенцијата.

Од АХВ уверуваат дека ја следат состојбата и спроведуваат континуирани контроли, а доколку се јави потреба, навремено реагираат согласно законските надлежности.

Извор: makfax.mk

Можете да прочитате

Влада: Оддаваме почит на сите невини жртви од геноцидот во Сребреница 

Нормализиран сообраќајот за камиони кон „Блаце”, на „Табановце“ се чека околу 30 минути

Повторно одложено судското рочиште за случајот Веапоска на кое требаше да биде презентиран извештајот од супервештачењето