За лицата без лични документи и за бездомните лица Министерството за труд и социјална политика реализира постапки за обезбедување документи за нивна идентификација, преку системот на Центрите за социјални работи, со што ќе можат да се обезбедат податоци за нивно лоцирање и за евидентирање за потребите на претстојната пописна акција. Тоа го посочи министерката за труд и социјална политика Јагода Шахпаска, на денешната средба со директорот на Државниот завод за статистика, Апостол Симовски, на која се разговaрaло за претстојниот попис на населението на РСМ и за потребата од меѓусебна соработка во делот на попишување на бездомните лица.
Симовски истакнал дека институциите се подготвени и пописот ќе биде спроведен со употреба на најмодерни алатки и технологии, согласно меѓународните стандарди и критериуми на Евростат. Истовремено ќе се попишува на терен, преку директно интервју со лица, но и користење податоци од регистри, односно бази на податоци, информираа од МТСП.
