До денес во Србија се вакцинирани 100.511 лица, пишува „Блиц“.
Граѓаните на Србија во моментов можат да изберат помеѓу три достапни вакцини – руската „спутник в“, потоа „Фајзер-Бионтек“ и кинеската „Синофарм“. А наскоро ќе можат да изберат помеѓу четири вакцини против коронавирусот, бидејќи се очекува пристигнувањето на вакцината развиена од Универзитетот „Оксфорд“ и британско-шведската компанија „Астра зенека“.
Масовната вакцинација во Србија започна пред три дена со вакцинирање на припадници на армијата и полицијата на саемот во Белград, каде што беа поставени 11 пунктови за вакцинација.
„Многу е важно што повеќе граѓани да се вакцинираат, со цел да се создаде колективен имунитет, да надмине 60 или 70 проценти и на тој начин да се запре оваа сериозна болест“, изјави епидемиологот и член на кризниот штаб Бранислав Тиодоровиќ, кој исто така прими вакцина.
