Времето денеска ќе биде променливо облачно со локални и послаби врнежи од дожд, а на планините на север од снег. По должината на Повардарието и на истокот ќе дува умерен до засилен северен ветер. Минималната температура ќе биде во интервал од 2 до 6, а максималната ќе достигне од 5 до 11 степени.
Во Скопје ќе биде променливо облачно со умерен до засилен северен ветер. Минималната температура ќе се спушти до 3, а максималната ќе достигне 6 степени.
Поради продор на студена воздушна маса од север, в среда попладне и в четврток ќе има локални врнежи, кои речиси насекаде ќе бидат од снег. В петок и за време на викендот ќе биде многу студено, а температурата во поголем дел од земјава преку целиот ден ќе се задржи под нулата.
