Полицаецот Брајан Сикник почина од повредите здобиени во немирите во средата предизвикани од приврзаниците на актуелниот претседател Доналд Трамп на Капитол Хил.
Тој е петта жртва на немирите, бидејќи претходно беше објавено дека четири лица беа убиени откако приврзаниците на Трамп упаднаа во зградата на Конгресот со цел да спречат парламентот да ја потврди победата на Џо Бајден на претседателските избори.
„Полицаецот Сикник одговори на немирите во средата, на 6 јануари 2021 година, во американскиот Капитол и беше повреден додека беше во физички судир со демонстрантите“; се вели во соопштението на полицијата.
