Индија официјално одобри итна употреба на две вакцини против коронавирус.
Регулаторното тело за лекови даде зелено светло за вакцините развиени од „АстраЗенека“ со универзитетот Оксфорд и на локалната компанија „Барат Биотек“.
Премиерот, Нарендра Моди, вели дека ова е одлучувачки момент и пресвртница во борбата против коронавирусот.
Индија годинава планира да вакцинира 300 милиони луѓе.
Втората по бројност земја во светот има повеќе од 10,3 милиони заразени и скоро 150.000 починати, веднаш зад САД.
