Реал Мадрид, барем привремено, се искачи на првото место во Ла лига, откако со 2:0 ја совладаа незгодната Селта на „Алфредо ди Стефано“, благодарение на партнерството Лукас Васкез-Марко Асенсио.
Васкез го отвори резултатот по асистенција на Асенсио уште во четвртата минута, пред да му врати за асистенцијата во 53. минута за важна победа по незгодното 1:1 реми со Елче за тимот на Зинедин Зидан.
Реал има 36 поени на врвот на табелата, еден повеќе од Атлетико, но „рохибланкос“ сега имаат дури три натпревари помалку. Селта ја прекина низата од пет меча без пораз (од кои четири победи), за да остане на осмото место со 23 поени.
> Лукас и Асенсио ги качија „кралевите“ на првото место <
