Кина денес го потврди првиот случај на новиот вид коронавирус откриен во Велика Британија, соопштија здравствените власти.
Станува збор за 23-годишна девојка која на 14 декември од Велика Британија слетала во Шангај, соопшти кинескиот центар за контрола на заразни болести.
Властите предупредуваат дека случајот претставува голема потенцијална закана за напорите на Кина да го спречи и контролира ширењето на вирусот.
Поради новиот вид на коронавирусот, за кој се верува дека се пренесува многу побрзо, повеќе од 50 земји, вклучително и Кина, воведоа ограничувања за патување од Велика Британија.
