Wonder Woman 1984 дебитираше во САД со највисока заработка на киноблагајните во услови на пандемија.
Филмот заработи 16.7 милиони долари на северноамериканскиот боксофис во текот на викендот на Божиќ.
Иако е капка во море во споредба со над 100 милиони долари генерирани од оригиналниот филм „Жена-чудо“ од 2017 година, сепак се смета за успех на „Ворнер Брос“ со оглед на фактот дека само 35 проценти од кината во САД се отворени.
Студиото објави во неделата дека се движи напред за брза реализација на третиот филм за жената чудо со враќање на Гал Гадот и режисерот Пети Џенкинс.
