Угостителски објекти во Карпош и Аеродром вчера биле затекнати додека работат по дозволеното време.
Од полицијата информираат дека во угостителскиот објект во Аеродром, и покрај забраната, присутни биле шест гости, а од нив двајца се приведени бидејќи не сакале да го напуштат локалот кога тоа го побарале полициските службеници.
Приведена е и Л.М. (55), одговорно лице во објектот, информираат од МВР.
Гости имало и во угостителскиот објект кој работел по 18 часот во Карпош, а е во сопственост на И.Ч.(26) од Скопје.
Објектот е времено затворен, а по целосно документирање на случајот ќе бидат поднесени соодветни поднесоци, информираат од полицијата.
Синоќа во временскиот период од 16:00 до 23:00 часот на подрачјето на СВР Скопје во соработка со ДПИ извршени се контроли во 270 угостителски објекти.
