Австрискиот канцелар Себастијан Курц ја нарече вакцината против коронавирус најдобриот божикен подарок и сè уште смета дека животот ќе се врати во нормала во лето.
„Глобалната економска криза силно ги погодува сите земји и не ја заобиколува ниту Австрија. Нашата голема цел е што побрзо да се вратиме во нормала со вакцината. Најдобриот божикен подарок оваа година доаѓа на 27 декември, а тоа е вакцината”, рече Курц во интервју за „Кронен цајтунг “.
Тој изрази верување дека половина милион луѓе ќе бидат вакцинирани во Австрија до крајот на март, а значително повеќе луѓе до летото, по што економијата повторно ќе расте, а повеќе луѓе ќе бидат вработени.
