„Ејч-би-о“ и „Би-би-си уан“ ја обновуваат својата серија His Dark Materials („Неговите мрачни материјали“) за трета сезона, со осум епизоди кои треба да ја довршат оригиналната трилогија на авторот Филип Пулман.
Третата сезона треба да се адаптира од The Amber Spyglass и ќе започне со продукција во 2021 година.
Веста за обновување на серијата се појави на помалку од една недела пред премиерата на финалето на втората сезона на „ХБО“, и два дена по премиерата на „Би-би-си“.
Во објавата на „Радио Тајмс“ се наведува дека тимот во студиото „Бед Волф“ веќе напорно работи на развојот на претстојната трета сезона.
