Кинеските поморски и воздухопловни сили заеднички го протерале американскиот разорувач „УСС Џон С. Мекејн“ од спорните острови во Јужното Кинеско Море за што американската морнарица тврдеше дека се работи за уште едно крстосување за слобода на навигација, пренесува РТ.
„Народната ослободителна армија (ПЛА) го протера ‘УСС Мекејн’ откако разорувачот навлезе во територијалните води на Кина покрај островите Нанша во Јужното Кинеско Море“, рече полковникот Тијан Џунли, портпарол на Командата на јужниот округ на ПЛА.
„ПЛА се спротивставува на акциите на САД, кои ги загрозуваат суверенитетот и безбедноста на Кина, како и мирот во Јужното Кинеско Море“, рече полковникот додавајќи дека кинеската војска останува во состојба на готовност.
Нанша е името што Кина им го даде на островите Спратли, архипелаг од мали острови и подводни гребени, што повеќе земји ги сметаат за свои. Пекинг изгради вештачки острови на неколку гребени и изгради воени објекти за да ги зајакне своите територијални претензии.
Американската морнарица го потврди присуството на разoрувачот во областа, но имаше многу поинаков наратив во врска со настаните.
„’УСС Мекејн’ набрзина пловеше покрај спорните острови во уште една демонстрација на слободата на поморската навигација“, рече портпаролот на Седмата флота со седиште во Јокосука, Јапонија.
2УСС Мекејн“ не побарал дозвола за потегот и не издал предупредување за да демонстрира дека невиниот премин може да не биде предмет на такви ограничувања, рече поручникот Keо Кили, кој додаде дека сите интеракции со странските воени сили беа во согласност со меѓународните норми и не влијаее на операцијата.
Минатиот месец „УСС Мекејн“ направи сличен потфат во руските води крај брегот на Владивосток, исто така под маската на операциите „Слобода на навигацијата“ (ФОНОП). Тој се повлече кога беше предупреден од рускиот разорувач од класата „Удалој“, „Адмирал Виноградов“, дека ќе биде истуркан од територијалните води ако не ги напушти“.
„УСС Мекејн“ во август 2017 година неславно се судри со товарен брод покрај брегот на Сингапур. Во инцидентот загинаа десет војници за што американската морнарица ги обвини проблемите со опремата и недоволната обука. Бродот штотуку се врати од ФОНОП во Јужното Кинеско Море.
