Во едно од најдолгите судења за убиства, 28 години откако нејзиното тело беше пронајдено фрлено во бунар, Специјалниот суд на Индиската истражна агенција, Централното биро за истраги (ЦБИ) ги прогласи еден викар и една калуѓерка за виновни за убиството на 19-годишната сестра Абхаја во индиската држава Керала, пренесува „Хиндустан тајмс“.
Првично, случајот беше отфрлен од локалната државна полиција на Керала како самоубиство, но вревата околу ова прашање ја принуди полицијата да ја испита работата потемелно. Според упатствата на судот, случајот бил пренесен во највисоката истражна агенција во земјата, Централното биро за истраги (ЦБИ).
When truth prevails, God prevails. 2020 ain’t that bad. #SisterAbhaya#abhayacase #abhayacaseverdict pic.twitter.com/0AdSm6etyM
— Renjith ravi (@Renjith70960935) December 22, 2020
Грозоморниот случај е преполн со елементи на мистерија и убиство и ја шокираше нацијата во 1992 година. Само неколку дена пред Божиќ, викарот отец Томас Котур и монахињата сестра Сефи беа прогласени за виновни за убиство и за прикривање докази.
ЦБИ го информираше Специјалниот суд дека сестра Абхаја била сведок на интимни односи меѓу Котур и Сефи на 27 март 1992 година кога одела од нејзината хостелска соба во кујната рано наутро во 4.15 часот.
Според ЦБИ, Сефи – плашејќи се дека сестра Абхаја може да им каже на другите и дека таа и Котур ќе бидат протерани од црквата – во лутина ја удрила сестра Абхаја со секира, а потоа Котур ѝ помогнал да ја фрлат во бунарот додека се уште била жива.
Such a wait for justice! Nearly 28 years! #CBI court to deliver its final judgement on the death of #SisterAbhaya – a teenaged nun who was found dead in a convent well in March 27, 1992. Case was first investigated by local #Police & State crime branch. #Kottayam #Kerala pic.twitter.com/tF843RGzjA
— biju govind (@bijugovind) December 22, 2020
На судот му беше кажано дека двајцата ги уништиле доказите и ја довеле во заблуда црквата за да ги сокријат своите сексуални односи.
Казната за сторителите ќе биде изречена во среда, 23 декември.
