Коронавирусот стигна и до последниот континент на Земјата. Првите случаи на вирусот се регистрирани нa Антарктикот.
Чилеанската армија соопшти дека 36 луѓе поврзани со базата на генералот Бернардо О’Хигинс Рикилме, на јужниот пол на планетата, биле позитивни на Ковид-19. Базата се наоѓа на крајниот западен дел на Антарктикот, близу до јужниот дел врв на Јужна Америка.Од нив 26 се членови на Чилеанската армија, а другите се претпоставува дека се работници.
Британското истражување на Антарктикот (БАС) соопшти дека „ризиците и последиците од пренесувањето на вирусот во дивиот свет на Антарктикот се во голема мера непознати“.
Најизолираниот континент на светот досега успеа да ја избегне пандемијата поради збир на околности.
Малиот број на луѓе и регулираните шеми за патување, го олеснија карантинот и надгледувањето на оние кои патуваат до јужниот пол. А постоеше и временски аспект – избивањето на пандемијата се совпадна со крајот на летната сезона.
Бројот на луѓе на Антарктикот многу варира помеѓу сезоните, околу 1.000 во текот на зимата и околу 5.000 во текот на летото.
