Од британската престолнина пристигнуваат мрачни фотографии – станиците се празни, речиси да нема луѓе на улиците во Лондон и тоа неколку дена пред Божик.
Британскиот главен град повеќе личи на град на духови – на улиците можат да се видат само работници, додека продавниците се затворени, а станиците напуштени.
Премиерот Борис Џонсон во саботата воведе остри нови ограничувања за Лондон и поголемиот дел од југоистокот, поради што повеќе од 16 милиони луѓе се наоѓаат во карантин.
Четвртото, највисоко ниво на предупредување стапи на сила во Лондон на полноќ, а луѓето беа принудени да останат во своите домови.
Во меѓувреме е пронајден нов вид коронавирус, поради што Велика Британија во голема мерка е отсечена од Европа, но и од светот.
Европското копно постепено ги затвора границите со Велика Британија поради мутација на вирусот. Сите сообраќајни патишта кон Велика Британија се во голема мера затворени.
